STENBOL - Avûkatanê Buroyê Huqûqî yê Asrînî seba pêvînayîşê bi miwekîlê xo Rayberê PKKyî Abdullah Ocalanî ke 38 aşmî yo tu xebere nîna girewtiş, muracatê Serdozgerîya Komare ya Bursayî û Midûrîyê Zîndanê Îmraliyî kerd. 

 

Avûkatanê Buroyê Huqûqî yê Seserre ra Mazlûm Dînç, Rezan Sarica, Raziye Ozturk û Faîk Ozgur Erol

seba pêvînayîşê bi Rayberê PKKyî Abdullah Ocalan ke Zîndanê Padayeyê Tîpê Fyî bi Asayîşê Berzî yê Îmraliyî de yeno tepiştiş, Serdozgeriya Komare ya Bursayî û Midûrîyê Zîndanê Îmralî muracat kerd. Heto bîn ra avûkatan, seba pêvînayîşê bi Omer Hayrî Konar, Hamîlî Yildirim û Veysî Aktaş zî hem muracatê dozgerî û hem zî midûrîyê zîndanî kerdî. 

 

 

Pêvînayîşan bi sebebê "cezayê dîsiplînî" asteng kena

 

 

Heqê pêvînayîşî yê Abdullah Ocalanî û her hîrê tepişteyê bînî yê bi keye û avûkatan reyde bi sebebê “cezayê disiplînî” yenê astengkerdiş. Serdozgerîya Komare ya Înfazê Bûrsayî bi periyodê 6 aşman reyke pêvînayîşê bi sebebê "cezayê dîsiplînî" asteng kena.

 

 

Waştişê pêvînayîşî yê avûkatan 6 aşman ra reyke ame qedexekerdiş

 

Dimayê hewldayîşî darbeyê Temmuza 2016ine Rewşa Îstîsnayî ameye îlankerdiş û qedexeyê pêvînayîşî heta sibatê 2018ine dewam kerd. Dimayê nê tarîxî waştişê pêvînayîşî yê avûkatan 6 aşmî ra reyke ameyî qedexekerdiş. 

 

Tewr peyîn Serdozgerîya Komare ya Bûrsayî 3yê gulana 2024ine de derheqê Abdullah Ocalanî û tepişteyê Zîndanê Îmraliyî de yenê tepiştiş de qerarê qedexekerdişê pêvînayîşê bi avûkatan ê 6 aşman da. 

 

Pêwa qerarê peyîn derheqê Ocalanî de 8 serrê peyîn de tewr tay 13 rey seba 6 aşman qerarê qedexekerdişê pêvînayîşî avûkatan reyde ame dayîş.