Nazlican Nujîn Yildiz

 

ÎZMÎR - Aktîvîsta TJAyî Emîne Înan derheqê ‘Wendişê veng bidê azadîye’ ke TJAyî dayê destpêkerdiş û tecrîd ser qisey kerd û seba tewrbîyayîşî wendişan veng da.

 

Çarçewaya kampanyaya seba Rayberê PKKyî Abdullah Ocalanî azadî ke xeylêk welatê dinya de çarçewaya ‘Roja kitabanê Ocalanî’ wendişî yenê kerdiş de,  bi serkêşîya Têgêrayîşê Cinîyê Azade (TJA) çarçewaya ‘veng bidê azadîye’, Wendişê Veng Bidê Azadîye yenê kerdiş. 25ê Gulane de Îzmîr de atolyeya wendişî ameye destpêkerdiş û Stenbol, Şirnex, Mêrdîn, Wan, Amed û Muş de zî nê atolyeyî ameyî organîzekerdiş. Cinîyê ke tewrê atolyayeya wendişî bîyî dîyar kerdî ke seba azadîya komelî nê wendişî muhîm ê. 

 

Aktîvîsta TJAyî Emîne înan, dîyar kerd ke fikr û fehm nêeşkenê bêrê tecrîdkerdiş û venga pêro kesan kerd ke tewrê nê wendişan bibê.

 

Tecrîd bi komployê mîyanneteweyî dest pêkerd

 

Emîne dîyar kerd ke şarê kurdî û tirkî prosesêk giran ra derbaz benê û şarê kurdî raste rast nê çî ciwîyeno.  Emîne wina dewam kerd: “Nê prosesî de ganî têkoşîn bêro dayîş. Şarê kurdî, dayîkî û tepişteyan veng dayî na rewşe. Bi hîrê serrî yo Îmrali de tecrîdêk giran est o. No tecrîd ewro dest pênêkerdo. No tecrîdek yê hîrê serrî zî nîyo. Her kes nê vîneno û zaneno. No komployê 9ê teşrîna verêne ra dest pêkerdo.”

 

‘Birêz Ocalan seba pêro şaran perspektîf pêşnîyaz kerd’

 

Emîne dewam de dîyar kerd ke komployê mîyanneteweyî seba pêro şaran mesaj bî û wina vat: “Birêz Abdullah Ocalan ke cuya demokratîke awan kerd, hem seba Rojhelatê Mîyanên û hem zî seba pêro şaran perspektîf pêşnîyaz kerd. Seba têkoşînê cuya demokratîke da, bi hedef. Nêwaştî saltanatê înan bilerzo. Seba nê komployî Birêz ocalanî teslîm kerdî. Tenê şarê kurd nê, pêro şaran dejê nê kûr ra ciwîya. Birêz Ocalan seba pêro şaran perspektîf pêşnîyaz kerd.”

 

'Seba pêro şaran mesajê Abdullah Ocalanî est o'

 

Emîne dîyar kerd ke şîdet, qirkerdiş û krîzê ekonomî yeno normalkerdiş û wina vat: “Semedo ke komel xo bivîno, lazimî bi xebatêke winasî est a. Mesajê Abdullah Ocalanî seba pêro şaran est o. Merdimî nê mesajî ra hêz gênê. Merdim bi nê vatişan vînenê ke do senî bibê wayîrê îrade. Ganî ma nê prosesî ra xurt bivejîyê. Hevîya ma est a ke ma xurt vejîyê.”