MERKEZÊ XEBERAN - Goreyê raporê MKGyî yê aşma gulane 17 dewayan ra 24 rojnamegerî ameyî muhakemekerdiş û 1ê gulane ra 8 rojnamegerî tepişte yê. 

 

Komeleya Rojnamegerê Cinîyan ê Mezopotamyaye (MKG) “Raporê Binpaykerdişê Heqan ê Hemverê Rojnamegeranê Cinîyan” ê aşma gulane pare kerd. Beşê ercnayîşî yê raporî de ame vatiş ke binpaykerdişê vera rojnamegerê cinî zêde bîyî û babeta têkoşînê têduştîya cinsî yê komelî de zî xirabî est a. 

 

Bi domdarî wina ame vatiş: “Zextê rojnamegerî ci reyde rî bi rî mananê tenê bi binpaykerdişê heqê kesî bisînor o, eynî wextî de zirarêk pîl dano heqê agahîgirewtişî rast û bêhet o zî. Seba asayîşê rojnamegeran û pawitişê heqê azadîya xoîfadekerdişê ganî lezkî tedbîr bêro girewtiş.” 

 

Binpaykerdişê heqê rojnamegeran yê aşma gulane wina ame rêzkerdiş: “2 rojnamegerî rastê hêrişî ameyî, 3 rojnamegerî ameyî destbendkerdiş û yew zî ame tepiştiş. 4 rojnamegerî wextê xeberî taqîb kerdêne, ameyî astengkerdiş. 2 rojnamegerî zîndan de rastê binpaykerdişê heqan ameyî. Derheqê rojnamegerêk de cipersayîş ame akerdiş. 4 rojnamegerî bi pêroyî 9 serrî û 6 aşmî û 17 rojî cezaya hefsî ameye birnayîş. 17 dewan de 24 rojnamegerî ameyî muhakemekerdiş. 1ê gulane ra 8 rojnamegerî tepişte yê.”