Gulîstan Gulmuş

 

DÊRSIM - Pezkovîyê ke "Heywanê Xizirî" yenê zanayîş, Dêrsim de eleqeyêk pîl vînenê.

 

Dêrsim bi xozaya xo her dem Kurdistan de yew bajarê ke tewr zêde eleqeyêk pîl vîneno yo û bae anceno serê xo. Dêrsîm xeylêk tewirê nebatan, çem û çimeyê awe, koyê berzî û tewirê heywanan yeno zanayîş. Dêrsim bi nê taybetîyanê xo beno cayê turîstanê herêmî û xerîbî. Pezkovîyê ke sey "Heywanê xizirî" yenê zanayîş wexto ke Dêrsim yeno vatiş, ewil ê yenê vîrê merdimî. 

 

Pezkovî hema hema her qezaya Dêrsimî de vejîyenê hemverê merdiman. Pezkovîyê ke zinar û cayê alozî bi hawayêkê baş gêrenê, bi taybetî Xeçê Xozatî û hetê kesê ke yenê serdayîşê dewe ve eleqeyêk pîl vînenê. Pezkovî Dêrsim de mewsîmê wisarî ra heta  payîz lazimîyê xo peyda kenê.

 

Pezkovîyê ke hetê seydwanan yenê qetilkerdiş, hetê şarê herême ra yenê pawitiş. Pezkovî sîstemê bawerîya Dêrsimî de cayêk muhîm gênê û coka tîya zaf pîroz yenê vînayîş, yenê pawitiş.

 

Pezkovîyê ke binê tehlukeyê çinbîyayîşî de pêwa her serre bi desan pezkovî yenê qetilkerdiş. Sewbîna pezkovî demê pêrodayîşan de zî yenê qetilkerdiş.