STENBOL - Nobeta hemverê tayînkerdişê qeyûmê Colemêrgî ke Stenbol de dewam kena, do cinî dewr bigîrê. 

 

Hêzê Kede, Aştî û Demokrasîyî yê Stenbolî hemverê tayînkerdişê qeyûmî ser de Şaredarîya Colemêrgî de Meydanê Şîşxaneyî yê qezaya Beyoglûyî de çalakîya nobete dabî destpêkerdiş û çalakî dewam kena.  Çalakîya ke hewteyêk dewam kena do 18ê hezîrane de aktîvîstê Têgêrayîşê Cinîyê Azade (TJA) û Meclisê Cinîyan, DEM Partîye ra dewr bigîrê. 

 

TJAyî bi sloganê “Cinî seba Colemêrgî nobete de yê” venga beşdarbîyayîşê nobeta cinîyan kerdî û vatî: “Ma zîhnîyetê qeyûm ke îradeyê cinî û şarî desteser kerdê qebûl nêkenê. Ma do 18ê hezîrane de Meydanê Şîşxaneyî de nobete de bê.”