MERKEZÊ XEBERAN - Welatijê bajarê Dêrikî, Girkê Legê û Til Koçerî semedê azadîya fîzîkî ya Rayberê PKKyî Abdullah Ocalanî vejîyayî raşteyan û vatî; azadiya ey, çareserkerdişê problemê kurdî û caardişê aştîye û aramîya herêma bingehê cuya aştîyane ya Rojhelatê Mîyanên a.

 

Bi seyan welatijê bajarê Dêrikî, Girkê Legê, Til Koçer û Çilaxayî bi sloganê "Ma do bi ruhê xoverdayîşê Îmraliyî komployê 9ê Teşrîna Verêne û xiyanetî têk berê" rayîr ra şîyî. 

 

Na çalakî û xeylêk çalakîyê bînî yê bi nê rengî çarçewaya paştdayîşê hemleyê mîyan neteweyî yê bi sloganê "Abdullah Ocalanî rê azadî û meseleya kurdî rê çareserî" de vejîyayî.

 

Rayîrşîyayîş Meydanê Azadî yê bajarê Dêrikî dest pêkerd û vernîya awanîya Meclisê Keyeyê Şehîdan vindertî.

 

Uca de hemserekê Meclisê Partîya Yewîya Demokratîke (PYD) şubeyê Dêrikî Ayhan Murad qisey kerd  û vat: "Ganî çalakîyê ma dewam bikerê, seba ke ma wayîrê projeyê neteweyê demokratîke yê ke serê fehm û felsefeyê Abdullah Ocalanî de awan bîyo. Nê semedî ra ma nîşaneyê serkewtişî her tim berz kenê ke şarê xo û Rayber Abdullah Ocalanî rê azadîye bi dest bikerê."

 

Endamê Meclisê bajarê Til Koçerî Yusif El Mehûs zî vat: "Azadîya Rayber Abdullah Ocalanî, çareserkerdişê problemê kurdî, caardişê asayîşî û aştîya herême, bingehê cuya aştîye ya Rojhelatê Mîyanên o."

 

Yusifî wina vat: "Semedo ke aştî Rojhelatê Mîyanên pê bêro, ganî Rayber Abdullah Ocalan serbest bêro veradayîş.”