MERKEZÊ XEBERAN - Merkezê bajarê Dihokî, camêrdêk dimayê îşkenceyêk şîdetin, waya xo veşna. Cinîya ke se ra 80ê bedenê aye veşayo, nêweşxaneyî de yena dermankerdiş.

 

Herêma Kurdistanî de hedîseyê qetilkerdiş û şîdetê hemverê cinîyan zêde bîyo, semedê polîtakayê bê cezaverdayîşî îqtîdar hedîseyê qetilkerdiş û veşnayîşê cinîyan zêde beno. Demê peyîn de hedîseyê veşnayîşê cinîyan zî reyna benê. Tewr peyîn 6ê Hezîrane de cinîyêke ciwane ya bi nameyê Avan Ceza hetê camêrdo ke ci reyde zewicnaye bî, ameye veşnayîş û semedê giranîyê birînanê xo dinyaya xo bedelnaye. Destpêkê serre ra zêdeyêr 27 cinî cayê cîya yê Herêma Kurdistanî ra ameyê qetilkerdiş, yan zî mecbûrê întîxarî bîyê. Îdarekarîyê polîsê Dihokî neql kerdî ke camêrdêk îşkence waya xo rê kerdo û dima ra aye veşnaya. Goreyê agahî, se ra 80ê bedenê cinî veşayo û nêweşxaneyî de yena dermankerdiş.

 

Sewbîna ame dîyarkerdiş ke kerdox dimayê 4 saetan qezaya Çemankî ya serê bi bajarokê Amêdîye ameyo destbendkerdiş.

 

Goreyê agahîyê polîsan neql kerdo, cinîya ke veşnayê, dayîka 3 tutan a.