WAN - Hemverê qeyûmî ke tayînê şaredarîya Colemêrgî ame kerdiş, bernameyê çalakîyan ê bêmabên ê ‘hemverê îradeyî rayîr ra şîyayîşê rêzdarî’ ame îlankerdiş. Hemserekê DEM Partî yê Wanî Gulşen Kurt da zanayîş ke ganî komel hemverê qeyûman refleksê xo danê werte û bi taybetî zî hêrişî zêdeyêr serê cinîyan de yo, ganî tewr zêde cinî îtîrazê xo berz bikerê.

 

Çalakîkerê protestoyî yê hemverê tayînkerdişê qeyûmî yê semedê şaredarîya Colemêrgî dewam kenê. Partîya Têduştî û Demorkasî (DEM Partî) çalakîkerê xo her wareyî de dewam kenê. Çalîkekerî ‘hemverê îradeyê rayîr ra şîyayîşî rêzdarî’ yê Merkezê Pêroyî do bernameyê çalakî pê bêro û yew lingê nê do Kurdistanî de pê bêro. Wan de zî do xeylêk çalakî û bernameyê pê bêro û bê mabên yeno dîyarkerdiş ke ganî paştdayîş bêro pîlkerdiş.

 

Rayîr ra şîyayîş do 6 rojan dewam bikero! 

 

3ê Temmuze de Êlihî saete 10.00ine de do heyetêk bêro Wan û heyet Wan de saete 16.00ine de eşkerayîye bido û dima ra şêro Colemêrg. Goreyê bernameyî yeno plankerdiş ke 6 rojan de biresê bajarê Wanî. Hîrayîya rayîr ra şîyayîşê do roje bêro de zelal bibê. Hemsereka DEM Partî ya Wanî Gulşen Kurt derheqê babete de ajansê ma rê qisey kerd.

 

‘Ganî hemverê îradeyî her kes vengê xo berz bikerê’

 

Gulşene da zanayîş ke heta nika çalakîya xo verê şaredarî de kerdê wina vat: “Tenê verê şaredarîyan do her bajarî çalakî dewam bikerê. Derheqê çalakîyê  xo de ma venga pêro şarê xo, hêzê demokrasî kenê. Qeyûm xespkerdiş o. No tenê babeta şarê kurdî nîyo.  Ewro qeyûm tayînê şaredarîyê kurdan bîyê, tayînê pêro şaredarîyê welatî bîyo. Ganî hemverê xespkerdişê îradeyê şarî her kes vengê xo berz bikerê.” 

 

'Ganî bi taybetî cinî hemverê qeyûman de îtîrazê xo berz bikerê'

 

Gulşene wina qedêna: “Caardişê qeyûmî tewr zêde cinîyan hedef gênş. Şima zanê îdareyê herêmî semedê ma cinîyan zaf muhîm o û xeylêk projeyê ma û xebatê ma yê cinîyan estbî. Semedê cinîyan îmkanî ameyî dayîş. Ez venga pêro cinîyan kena ke ganî bi taybetî cinî hemverê qeyûman de îtîrazê xo berz bikerê.”