COLEMÊRG- Şaredarîya Colemêrgî semedê dîyarkerdişê rojeve û organîzekerdişê kombîyayîşî waştî şêrê awanîya şaredarî la polîsan nêverda bikewê zerre. 

 

3yê hezîrane de serê qerarê Wezaretê Karê Zerreyî, Şaredarîya Colemêrgî rê qeyûm ame tayînkerdiş. Endamê Meclisê Şaredarîya Colemêrgî yê DEM Partiye waştî bikewê awanîya şaredarî la ameyî astengkerdiş. Endamê meclisî semedê tewrê kombîyayîşê aşma temmuze bibê û rojevanê bîyaye dîyar bikerê, şîyî şaredarî. Endamê meclisî verê berî yê şaredarî de hetê polîsan ra ameyî astengkerdiş. Polîsan endamê meclisî ra vatî: “Ma nika pers kerd, do meclîs kom nêbo. Eke zerre de karê şima yê taybetî yan zî karûbarê dayîşê fatûreyan est o, şima eşkenê derbaz bibê.” Nê ser de endamê meclisî waştî bi nuşteyê taybetî reyde pêvînayîş bikerê. Polîsan zî vat: “Nuştoxo taybet nika misaîd nîyo. Şima nêeşkenê pêvînayîş bikerê.” 

 

Endamê meclisî zî hemverê rewşa astengkerdişî û astengkerdişê qerarê kombîyayîşî yê endaman, zerre de zabitname amade kerd.