WAN - Rayîrşîyayîşê "Rêzgirewtişê Îradeyî rê" ke bajarê Tirkîya û Kurdistanî de ver bi Colemêrgî ame destpêkerdiş, dewam keno. Pêwa hewayê germî zî rayîrşîyayîş bi qerardarî dewam keno.

 

"Rayîrşîyayîşê Rêzgirewtişê Îradeyî rê" ke hemverê tayînkerdişê qeyûmî, Şaredarîya Colemêrgî ya ke binê îdarekarîya Partîya Demokrasî û Têduştîye  (DEM) de 3ê Hezîrane de amebî destpêkerdiş dewam keno. Roja diyîn ê Wanî de parlamenter, hemşaredarê şaredarîyan û temsîlkarê sazgehê sivîlî zî mîyan de bi seyan kesî amade yê. Raywanê ke şewa xo Parkê Norduzî yê qezaya Payîzava ya Wanî de derbaz kerdî, bi tîrê roje yê ewilî şîyar bîyî. Raywanê ke herême de ameyî têhet, tîya arayî kerdî. Dimayê arayî derûdor pak kerdî, dima ra kom bîyî û ver bi Taxa Xosebî kewtî rayîr.

 

Welatijan zî paştdayîş dayî raywanan 

 

Rayîrşîyayîş de marşê "Gever e Gever e" û "Çerxa Şoreşê" ameyî vatiş. Wesayîtê derbaz bîyî zî semedê paştdayîş bidê rayîrşîyayîş sloganê "Bijî Berxwedana Colemêrgê" berz kerdî. Raywanan hîn dingan de mabênê kilmî dayî û bi deyîranê ke uca de ameyî vatiş, govende kerdî.

 

Pêwa tilîlî û deyîran raywanîya xo dewam kerdî

 

Raywanî dimayê 5 kîlometreyî boya xo dayî û reyke bîn kewtî rayîr. Raywanan pêwa tilîlî û deyîran raywanîya xo dewam kerdî, dima ra 42 kîlometreyan dewa Tekmala Şêx Safiyedîn de peynî kerdî û boya werdî dayî. Raywanê ke do 2 saetî boya xo bidê, do roje bi 5 kîlometreyê bînî rayîr ra şêrê heta Tesîsê Boydayîşê yê Rojhelat û uca de şewa xo derbaz bikerê.