MERKEZÊ XEBERAN - NADAyî reaksîyon vera cezaya dardekerdişî yê Îranî Şerîfe Mûhammedî û Pexşan Ezîzî ameyê birnayîş mojna û dîyar kerd ke ê do hemverê cezaya dardekerdişî bêveng nêmanê.

 

Tifaqê Demokratîke ya Cinîyê Rojhelatê Mîyanên û Vakurê Afrîkayî (NADA) derheqê cezaya dardekerdişî yê rejîmê Îranî ke cinîyê kurdî Pexşan Ezîzî û Şerîfe Mûhammedî rê birna, reaksîyon mojna. Eşkerayîye de ame dîyarkerdiş ke dimayê qetilkerdişê Jîna Emînî îdarekarîyê Tehranî tim semedê cinîyan bipelçiqno, bêveng bikero, cuya îstîmlakî pêroyî û sîyasî dûr bikero, zext keno û ame vatiş ke serranê 70 heta ewro muamileyê xirab kesê ke qalê averşîyayîşî kenê, yeno kerdiş. 

 

Dewamê eşkerayî de wina ame vatiş: “Weçînayîşê peyîn de reformpawitox Îran de bi ser kewtî û hema zî qerarê dardekerdişî yenê dayîş. Îdarekarê Îranî cezaya dardekerdişî Şerîfe Mûhammedî û Pexşan Ezîzî birnayî, no qerar herême û mîyanneteweyî de bî sebebê munaqeşeyê femînîst. No qerar dimayê bêparverdayîşê heqê înan ê muhakemeyê adîlane, ame dayîş.”