Rabîa Onver

 

COLEMÊRG - Medîne Tekîn Akbaşa ke Şemzînan de seba debara xo bikero û seba perwerde bido tutanê xo bîbloyan viraznena, dîyar kerd ke tozê kerrayê ke aye Stenbol ra ardibî û kîloyê ci bi 25 TL yo, her bîblo ra zî 15-20 TL maneno. Medîne Tekîn Akbaş waşt ke xebatê cinîyan bêrê vînayîş.

 

Ma hîkayeya Medîne goşdarî kenê ke bi nêzdîyê di serrî yo keye de viraştişê bîbloyan kena ke debara keyeyê xo bikero û tutanê xo bido wendiş...

 

‘Ganî ez tutanê xo perwerde bikerî’

 

 

Medîne dîyar kerd ke seba wendekaranê xo perwerde bikero bi nêzdîyê 2-3 serrî yo karê cilan de ya û dîyar kerd ke teqawidîyê ke ê gênê qîmê kîra û lazimîyê keyeyî nêkeno, nê semedî ra odayêke keye açarnaya atolye û bîblo viraznena. Medîne wina vat: “Ganî ez bimusnî tutanê xo. Materyalê fîgurê ke ez viraznena, vay ê la ez mecbûr a. Ma tozê kerran Stenbol ra wazenê, kîloyê ci 25 TL yo. Her çîçeke 15-20 TL ya. Semedo ke zirar nêdî tut u keyeyê xo ez nê karî kena. Ma mecbûr ê. Şemzînan de çîyêk bîn ma bikerê çin o."

 

Prosesê viraştişê bîbloyan

 

 

Medîne derheqê prosesê viraştişê bîbloyê ke bi saete û rojan şuxilêna zî wina vat: “Her bîbloyêk wayîrê qalibêk cîya yo. Ma tozê kerra kenê qalibanê xo, verdenê ke 45 deqe bibo wuşk û şeklê xo bigîro. Dima ra o serdin bi, ma prosesê boyaxkerdişî dewam kenê. Semedê ziwabîyayîşê boyaxî rojêke lazim o. Reyan ma sîpariş gênê û reyan zî çîyê ke ma viraştê pawenê. Ma reyan dikan bi dikan şinê ke biroşê. Ma xeylê wextî derbaz kenê.”

 

'Wa hewldayîşê cinîyan bêrê vînayîş'

 

 

Medîne dîyar kerd ke cinî her raşteyî de bi hêz û wayîrê têkoşîn ê û vat ke ê sey cinî tu wext fek têkoşîn ra vera nêdanê û cuya înan her tim têkoşîn a. Medîne wina vat: “Cinîyêke biwaza eşkena her çî bikera. Ganî cinî xo kar ra nêverdo. Ez wazena keda mi bêro vînayîş. Ez wazena nika xebatê cinîyan bêrê vînayîş.”