AMED - 13 kesê ke Amed û qezeyanê ci de ameyî destbendkerdiş, demê sewqê nêweşxaneyî de deyîrê nîjadperestî yê tirkan dayî goşdarîkerdiş.

 

Wextê destbendkerdişî yê 13 kesê ke 13ê tebaxe de merkez û qezayanê Amedî de sereştişê keyeyan de amebî destbendkerdiş, 24 saetî amebî dergkerdiş. Ame zanayîş ke kesê ameyê destbendkerdiş, wextê sewqê nêweşxaneyî de deyîrê nijadperestî yê tirkî bi înan dayê goşdarîkerdiş.

 

13 kesê ke babeta vatişî ya bi îdîayê 13 tebaxe do “îxbarê çalakî bikerê” amebî destbendkerdiş. Mîyanê 13 kesê ke ameyî destbendkerdiş de Îrem Alkaş, Baran Baymis, Murat Devran û Murat Ogut est o.

 

Yeno pawitiş ke îfadeyê 13 kesan ewro bêro girewtiş.