Melek Avci

 

ANQARA - Parlamentera Partîya Keskan a Awûstralyayî Abigail Boyd bêvengîya tecrîdê Abdullah Ocalanî ser sey vindîkerdişê normê aştîye yê mîyanneteweyî ercna û derheqê Ocalanî de wina vat: “Birêz Ocalan seba statukoyî tehluke yo semedo ke roşnê hêvî yo!"

 

Tecrîdê girankerde yê Rayberê PKKyî Abdullah Ocalan ser o ke Girawa Îmraliyî de dewam keno, vengê mîyanneteweyî zî hemverê tecrîdî berz benê. Parlamentera Partîya Keskan ê Awûstralyayî Abigaîl Boyd hewteyê vîyarte tecrîdê mutleq û sîstemê îşkenceyê Abdullah Ocalan ser o ard rojeva Parlamentoyê Awûstralyayî û Rayberê PKKyî sey "sembolê xoverdayîşê 100 serrî yê kurdan hemverê dewleta tirkan a îşxalkere" bi name kerd.

 

Parlamentera Partîya Keskan a Awûstralyayî Abîgaîl Boyd derheqê kûrkerdişê tecrîdî û nêzdîbîyayîşê sazgehê mîyanneteweyî yê hemverê tecrîdî JINNEWSî rê ercnayîş kerd.

 

'Ma eşkenê hişmendîyê mîyanneteweyî reyde bibê hetkar ke birêz Ocalan azad bibo'

 

Abîgaîl da zanayîş ke ganî Rayberê PKKyî Abdullah Ocalan azad bibo û wina vat: "Heqê merdiman seranserê dinya de karê ma sîyasetmedar û merdimanê Awistiralyayî yo û ez fikrîyenê ke zaf muhîm o ke wexto ke ma vînenê heqê merdiman yenê binpaykerdiş ma xo ver bidê. Heto bîn ra serê kampanyaya ke tîya seba azadîya birêz Ocalanî hetê komelî kurdî û dostê kurdan yeno kerdiş, hîsê mi xeylêk xurt ê. Wexto ke merdim bi avûkat û keyeyê xo reyde nêeşko pêvînayîş pê bîyaro, vernîya her çî ez sey merdimêk xeylêk dejena. No tenê binpaykerdişê heqê merdiman ê mîyanneteweyî yo. Nê binpaykerdişê qanûnê Tirkîya yê û ganî no vindaryo. Semedê nê zî ma eşkenê hişmendîya mîyanneteweyî reyde bibê hetkar ke birêz Ocalan azad bibo."

 

'Birêz Abdullah Ocalan roşnîya hêvîye yo'

 

Abîgaîl wina dewam kerd: "Ez fikrîyena çîyo ke ez vînena oyo ke Birêz Abdullah Ocalan roşnîya hêvîye yo. Wexto kesê ke azadî, têduştî û heqê merdiman pawenê bibê, ez fikrîyena ke azadîya birêz Ocalan eşkena azad biba. Zêdeyêr rayberê sey ey eşkenê wurzê û rêça tarîxî bivurnê. Nê semedî ra, ez bawer a ke azadkerdişê birêz Ocalan do seba Rojhelata Mîyanên fehmêk pozîtîf vejo werte. Ez fikrîyena ke ma nika bi rastî hewceyê nê yê. Semedo ke çîyê ke Filistîn de qewimyenê zaf tehluke û zaf nefret ê."

 

 'Ocalan seba statukoyî tehluke yo seba ke roşnê e hêvîye yo'

 

Abîgaîl da zanayîş ke Abdullah Ocalan seba statukoyî tehluke yo seba ke roşnê hêvîye yo û wina vat: "Çarhetê dinya yê îqtîdarî ke vatişê bînî hes nêkenê, înan sey tehluke bi name kenê. Ma nê çî her ca vînenê. Awistralya de zî ma nê vînenê; tîya qanûnê ma yê hemverê protestoyî zaf wuşk o; eke ti hemverê hukmatî vînderê û çîyê ke ê ci ra hes nêkenê vajê wina asanî ceza nêdanê. No hemleyêk hukmatêk ke nêrazîbîyayîş mojneno û hawayê cîya yê kerdişê çîyan tehluke vîneno. Ê fikrê cîya tehluke vînenê. Nê semedî ra helbet birêz Ocalan seba statukoyî tehluke yo. Semedo ke o sembol o, semedo ke roşnê hêvî yo. Potansîyelê ey est o ke çîyan seba hawayêkê başêr bivurno û kesê îqtîdarî nê çî nêwazenê. Nê semedî ra ez şaş menda ke înan ey bi tehluke name kerdî. Hîn kesî mi sey tehluke bi name kenê ke ez nê çî yarîye vînena.”