MERKEZÊ XEBERAN - Festîvala Kulturê Kurdî yê 8ine Bruksel de bi rayîrşîyayîşêk kulturî dest pêkerd.

 

Festîval do heta 18ê Tebaxe dewam bikero û xeylêk hunermendê kurdî, komê govende hunerê xo pêşkêş bikerê û werd û cilê adetî do bêrê nasnayîş.

 

Festîvale raşteyê Place de Bourseyî bi rayîrşîyayîşê kulturî yê verê dahol û zirneyî dest pêkerd. Festîvale Hemleyê 15ê Tebaxe serrgêra 40ine ame silamkerdiş.

 

Têgêrayîşê Cinîyanê Kurdan ra Zubeyde Zumrut festîvale de qisey kerd û vat: "Eke ma ewro na festîvale pîroz kenê, ma minetdar ê Hemleyê 15ê Tebaxe, PKKyî yê. Bi xêrê hemleyî ma bi kultur û ziwanê xo ciwîyenê."

 

Hunermend û komê ke festîvale de do hunerê xo pêşkêş bikerê bi nê rengî yê: Koma Muzîkî yê Yilmaz Guney, Hozan Dîno, Xelîl Sadikî, Koma Jordaw, Koma Govende ya Tutan, Koma Mîran, Hozan Terzî, Dîwanê Dengbêjan, Hozan Şemdîn, Evdê Sîlopî, Hozan Xecen, Hozan Rêber, Hozan Seîd, Koma Erbaneyî yê Serhedî, Hozan Sûltan Botan, Koma Stêrk, Pel muzîk, Koma Çar Newa.