Rozerîn Gultekîn

 

STENBOL - Parlamentera DEM Partîye Ozgul Sakî derheqê qanûnê qetilkerdişê heywananê kuçeyan ame caardiş ser o wina vat: “AKP wazeno tekelê mergî destê xo de verdo. Vano ez tutan pawena, heywanan kişeno. Vano ez keye pawena la hemverê qetilkerdişê cinîyan veng nêvejeno. Vano ‘ez welat pawena’ û pêro kesê nêterefgîr ê şer keno, mergê înan meşrû keno.”

 

AKPyî derheqê qetilkerdişê heywananê kuçeyan de pêro qanûn amade kerdibî û 30ê Temmuze de Heyetê Pêroyî yê Meclîsî de amebî qebûlkerdiş. Pêwa pêro îtîrazan pêşnîyaz qanûn bi rayanê AKP-MHPyî ame caardiş. Şikdarî qanûn ra hêz girewtî û hemverê kutik û merdimî înan ewnîyenê hêriş ca ardî. Tewr peyîn qezaya Altindagê Anqarayî de heywanî bi komî ameyî qetilkerdiş û kerdî çale. Parlamentera DEM Partîya Stenbolî Ozgul Sakî derheqê babete de qisey kerd.

 

‘AKP wazeno tekelê mergî destê xo de verdo’

 

Ozgule wina vat: “AKP derheqê heywanan de xebatan de bî û ma serrêke verê musayî. Ma hemverê nê pêşnîyazê persî dayî la pêro bêcewab mendî. AKP bi tenê sereyê xo vera ke kesî ra biperso pêşnîyaz qanûnêk 17 madde pê yeno ard. Goreyê nê îdiayê AKPyî kuçeyî semedê tutan asayîş nîyê û semedo ke kutikî benê tehdîd. Ma nê ra bawer nêkenê. Pêvînayîşê meclîsî de vejîya werte ke AKP hetê xoza de çîyêk xemê ci nîyo. Tenê kar û rant wazeno. Nê welatî de derheqê heywananê kuçeyan de problemêk bibo, no sûcê AKPyî yo. AKP wazeno tekelê mergî destê xo de verdo.”

 

Heywanan qetil kenê…

 

Ozgule tewr peyîn wina vat: “Binê nameyê pawitişê tutan de wazenê qanûn pê bîyarê. MESENî de tutî dinyaya xo bedelnenê, desteştişê tutan roj bi roje zêde beno la îqtîdar nê çî nêkeno rojeva xo. AKP îqtîdarêk binpaykerde yo. Polîtîkayê şerî keno. Vano ez tutan pawena, heywanan kişeno. Vano, ez keye pawena la hemverê qetilkerdişê cinîyan veng nêvejeno. Vano ‘ez welat pawena’ û pêro kesê nêterefgîr ê şer keno, mergê înan meşrû keno. Ma îdarekarîya herêmî reyde ganî cuyêka bi asayîş awan bikerê.  Ma polîtîkayêke ke pêro cuya ganeyan esas gênê kenê. Awankerdişê cuya neweyî de cuyêka  kêyfweş ya pêro gane eşkenê biciwîyê mumkin o.”