STENBOL - Dayîk/Merdimê Şemeyî hewteyê hezar û 12ine de Meydanê Galatasarayî de aqûbetê Abdurrahîm Demîr persayî û vatî: "Peynîya bêcezabîyayîşê 29 serrî dewam keno, bîyarê.”

 

Dayîk/Merdimê Şemeyî bi waştişê aqûbetê xizmê xo yê ke destbendkerdişî de ameyê vînîkerdiş û qetilkerdiş bipersê û faîlê înan bêrê muhakemekerdiş, hewteyê hezar û 12ine ê çalakîya xo de ameyî Meydanê Galatasarayî. Dayik/Merdimê Şemeyî bi karanfîlê sûrî û fotografê merdimanê xo yê vînîbîyayeyan wedarnayî û no hewte de aqûbetê Abdurrahîm Demîr persayî. Hemsereka Komeleya Heqê Merdiman (ÎHD) Eren Keskîn û xeylêk kesî beşdarê çalakî bîyî. Çalakî de waya Ferhat Tepe Ayşe Tepe qisey kerd. 

 

Ayşe wina vat: "Pêwa şahid, belge û delîlan zî, muracatê ma yê derheqê kesê ma yê ke vînî yê cenazeyê înan kîşte rayîrî, goristanê bêkesan yan zî bîrê asîdî ameyî vînayîş, yan qet nêameyî vînayîş, belgeyê fermî yê dewlete de sey 'îdiayê razber' ameyî qeydkerdiş. Netîceyê bêcezabîyayîşê nê polîtîkaya înkarî de, kesê ke zîndan de fermanê vînîbîyayeyan dayî, yê ke sûc kerdê û selahîyetdarê ke çimê xo sucî rê girewtê nêameyê muhakemekerdiş. Eksê ci, ê ameyî pawitiş. Prosesê hukmî yê ke do aqûbetê vînîbîyayeyan eşkere bikerê û berpirsyaran cezabikerê nêameyî kerdiş û rayîr ver bi vejîyayîşê heqîqetî ame padayîş."