MERKEZÊ XEBERAN - Têgêrayîşê Yewîya Cinîyan hemverê qerarê Encûmena Dadwerîyê Iraqî, serdayîşê Têgêrayîşê Azadî kerd û qerarê sey hemverê pêmawitişê heqê merdiman ercna.

 

Encûmena Dadwerîyê Iraqî 6ê Tebaxe de qerarê padayîşê 3 partîyanê kurdan da. Yew nê partîyan ra zî Têgêrayîşê Azadî ya Komelê Kurdistanî (Têgêrayîşê Azadî) bî.

 

Seba paştdayîş û hemverê qerarî, heyetêk Têgêrayîşê Yewîya Cinîyê Başûrê Kurdistanî, Silêmanîye serdayîşê Têgêrayîşê Azadî kerd.

 

Dimayê kombîyayîşê her di hetan eşkerayîyêke çapemenîye ame dayîş. Endamê Têgêrayîşê Yewîya Cinîyan Banuye qisey kerd û vat; “Ma her wext hemverê karê eksê şarê ma kenê, bîyî. Padayîşê partîyan karêk qanûnî nîyo û bi serran o Têgêrayîşê Azadî seba xizmetê komelî kar keno. Qerar bi waştişê dewleta tirkan ameyo dayîş û nêrazîbîyayîşê hemverê nê qerarî, eynî wextî de hemverê hêriş û îşxalkerdişê dewleta tirkan vejîyayî.”