MERKEZÊ XEBERAN - Meclîsa Kongra Starî paştdayîş da têkoşînê cinîyanê hîndîstanijan û dîyar kerd ke paştdayîşo ke ewro cinî danê yewbînan do têkoşîn biresnê serkewtişî. 

 

Meclîsê Kongra Starî derheqê desteştişî û qetilkerdişê doktora hîndîstanije û têkoşînê cinîyanê hîndîstanijan hemverê qetilkerdiş û tedayê cinîyan ser o eşkerayîyêke nuşteyî da.

 

Eşkerayîye de wina ame vatiş: 

 

"Sîstemê camêrdê îqtîdarî û hêrişkar bi hezar serran o, pêro wareyê cuye cinî rê pada yo, bi zîhnîyetê cinsperest azadîya cinî çin keno, koledarî xo reyde ano. Cinsperestî komelî kerdo binê qeyd û bendê koledarî. Hemverê cinîya zana û azadîwaştox ke wazena dêsê koledarî bişikino û bîyayîşê xo pê bîyaro zî hêrişê tewr hovane pê ano. Teda û zordarîyê camêrdê îqtîdarî tenê serê bedenê cinî de nê pêro bîyayîşê cinî de pê ano.

 

Zîlanan ra heta Sakîne Cansizan, Zeynep Celalîyan ra heta Jîna Amînî, cinîya kurde ra heta cinîya hîndîstanî ra têkoşînê cinî derûdorê xo de kom keno û rêxistin keno. Cinî rêxistinkerde, cinîya bi hêz a. Têkoşînê cinîya rêxistinkerde do îqtîdarî camêrdan têk bero û dinyayêke azade cinîyan reyde awan bikero. Cinî dêsê koledarî qebûl nêkena û hemverê zor û tedayan xo ver dana. Ewro vengê cinîyan çar hetê dinya bi sloganê 'Jin jiyan azadî' berz beno. Têkoşînê azadîye ya cinîyê dinya ewro her wext zêdeyêr rêxistinkerde yo. Paştdayîşê ke ewro cinî danê yewbînan do têkoşîn biresnê serkewtişî.

 

Ma hêrişê Hîndîstanî yê hemverê doktoran pê ame şermezar kenê. Destê xo danê destê cinîyanê hîndîstanî û pêro cinîyê dinya ke seba azadîya xo têkoşîn kenê. Bi hêz û tecrubeyê ke ma bi serran o mîyanê Şorişê Rojawanî de û bi pêroyî têkoşînê azadîya cinîya kurde û şarê kurdî ma bi dest kerdo, ma do heta peynî hemverê sîstemê îqtîdar û camêrdîye de têkoşîn bikerê. Seba her hetê dinya têkoşînê cinîyan azade pîl beno û bireso serkewtişî ma do paştdayîş bikerê û nê têkoşînî de pêwa cinîyan bê. Jin, jiyan, azadî.”