ÎZMÎR - Rêxistina DEM Partîye ya Îzmîrî hemverê şerê herêmî-kûrewî, îşxalkerî û tecrîdî, aştîwaştoxî 1ê Êlule de şarê dawetê meydanan kerd.

 

Rêxistina Partîya Têduştîye û Demokrasî (DEM Partî) seba wesîleya 1ê Êlule Roja Aştîye ya Dinya bi sloganê “Ma hemverê şer û îşxalkerdişî de aştîye, hemverê tecrîdî de zî azadî biqîrê” vernîya awanîya partîye de eşkerayîye da. Parlamenterê Îzmîrî Bûrcûgul Çûbûk, Îbrahîm Akin û xeylêk temsîlkarê sazgehî tewrê eşkerayîye bîyî. 

 

Hemsereka DEM Partî ya Îzmîrê Vezan Karabûlût eşkerayîye de qisey kerd. Vezane vat, ê seba vatişê “Şerî rê nê”  do meydanan de bê û wina vat: “Xurtbîyayîşê îqtîdarê rastgir û şerê serwerî yê mabêne înan de, şerê newe awan kenê. Îqtîdarê AKPyî û MHPyî bi awankerdişê xurtkerdişê awankerdişî yê faşîzmê rejîmê xo dewam bikero. No îqtîdar pêro şarî, bawerî, kedkar, ciwan û cinîyê teberê berjewendîyê sermayeyî manenê, pelçiqneno û hewl dano îqtîdarê xo dewam bikero."