Pelşîn Çetînakaya

 

AMED - Konservatuarê Aram Tîgran ke qeyûmî padabî bi sloganê "Şima bêalternatîf nîyê! Aram Tîgran dest pêkeno" newe ra bêro akerdiş. Kaybaze Elvan Koçer seba raywanîya hûnerê ke do newe ra  dest pêbikero, veng da.

 

Konservaturê Aram Tîgran ke Şaredarîya Bajarê Pîlî ya Amedî 2010ine de akerd, hetê qeyûmî ra padîya. Konservaturo ke 5 beşan de perwerde dayîne 2016ine de dimayê tayînkerdişê qeyûman ame padayîş. Konservaturo ke 6 serrî padaye mend, dimayê weçînayîşê 31ê Adare Şaredarîya Bajarê Pîlî ya DEM Partî de newe ra akerd.

 

Kaybaza Tîyatroyê Bajarî ya Amedî Elvan Koçer derheqê akerdişê konservatuarî de qisey kerd. 

 

‘Bi amancê dewamkerdişê nasnameyê kurdî do dewam bikero’

 

Elvane vat ke semedo ke kulturê kurdî nêro xovîrrakerdiş newe ra konservatuar akerdê û vat: “Tîyatroyê Bajarî yê Amedê, Ma Muzîk, Akademîya Sînemeya Rojhelatê Mîyanên xora konservatuarê 2010ine de amebî akerdiş de ca girewtêne. Yanî na xebata ke ma verê kerdibî. Nika newe ra ard rojeva şaredarî. Bi qerarê şaredarî do konservatuar newe ra bêro akerdiş.”

 

Do xebatê tewir bi tewir bibê

 

Elvane vat, do konservatuar de beşê sey; tîyatro, sînema, muzîk, edebîyat de sînorê emrî her beşêk mîyanê xo de dîyar keno. Elvane wina dewam kerd: “Bi rêk û pêk do dersê wendekarê konservatuarî bibê. Xêrcê nê do atolye zî bibê. Do tebe ra mamosteyî bêrê û tewrê atolyeyan bibê. Proses zî do dîsîplînê ê raşteyî dîyar bikero.”

 

’Wazenê kulturê kurdî çin bikerê’

 

Elvane tewr peyîn wina vat: “Hemverê kultur, ziwan, cil û belg, huner, hunermendê kurdî her tim astengî est ê. Bi nê astengîyan wazenê pêro kodê kulturî çin bikerê. Ciwanî nê kodan eşkenê biresnê ameyox. Nê semedî ra ma wazenê ciwanan rê raşte abikerê û ciwanan biresnê. Ez nê zî vajî tenê Amed de nê, teberê bajarî ra zî ma muracatan pawenê. Ma pêro ciwanan pawenê.”