Nazlican Nujîn Yildiz

 

ÎZMÎR - Hîndîstan de desteştişê cinîyêke amebî kerdiş û dima ra amebî qetilkerdiş. Cinî dimayê nê vejîyayî kuçeyan pankartê ‘jin jiyan azadî’ wedarnayî. Parlamentera DEM Partîye ya Îzmîrî Burcugul Çubuk derheqê babete de qisey kerd û vat, sloganê ‘jin jiyan azadî’ azadî û xelisyayîşê cinî hedef keno û bîyo rêgezê têgêrayîşê cinîyan.

 

Jin Jiyan Azadî ke felsefeya xoverdayîşê têgêrayîşê azadîya cinîya kurde yo, pêro dinya de veng da. Jin Jiyan Azadî yewin rey hetê Rayberê PKKyî Abdullah Ocalanî ra ame ziwan. 2012ine de Rojawan bi serkêşîya cinîyan şoriş pê ame û no slogan bî sloganê şoriş î. Slogan pêro dinya de veng da û rojê vîyarte de zî Hîndîstan de veng da.

 

Parlamentera Partîya Têduştî û Demokrasî (DEM Partî) ya Îzmîrî Burcugul Çubuk derheqê babete de ajansê ma rê qisey kerde û da zanayîş ke sloganê "jin jiyan azadî" cuya cinîyan qal keno.

 

Jin, jiyan, azadî cuya cinîyan qalî keno

 

Burcugule wina vat: “No slogan newe nîyo. Bi desan serran o cinî qîrenê. Eynî wextî de tesîrêk ci yê pîlî cuye cinîyan ser o est o. Jin Jiyan Azadî cuya cinîyan qal keno. No slogan têkoşînê cinîyan ra vejîyayo û nê sebebî ra zî xeylêk tesîrdar o. Bi serkêşîya cinîyê Rojawanî, bi têkoşînê cinîyê êzidî, têkoşînê xelasîya cinî, no vejîyayo werte. No slogan hetê pêro cinîyê dinya ra ameyo naskerdiş.”

 

Jin, jiyan azadî ters awan keno

 

Burcugule wina qedêna: “Cinîyê Hîndîstanî wayîrê 'Jin Jiyan Azadî' vejîyayî, bi pankartan nê sloganî berz kerdî. No çîyêk balkêş nîyo. Semedo ke no slogan tenê cinîyan nêano têhet, dişminê cinîyan zî tersneno. No slogan têkoşînê cinîyan mojneno. Hîndîstan de têgêrayîşê cinîyan no demêk derg o zaf xurt o. Cinîyê Hîndîstanî zî sey yê Kurdistanî ameyê binpaykerdiş. Semedê nê cinîyê kurdî, afganîstanîjî yan zî hîndîstanîjî wayê yewbînan ê. Nê dînamîkî têkoşînî yê bi destkewtîşî ameyê netîcekerdişî yê.”