STENBOL - Seba pêvînayîşê Rayberê PKKyî Abdullah Ocalan ke 42 aşmî yo agahî ci ra nîna girewtiş, muracatêk bîn ame kerdiş.

 

Avûkatê Rayberê PKKyî Abdullah Ocalan ke 42 aşmî yo bi tu hawayî nêeşkenê agahî muwekîlê xo ra bigîro, bi waştişê pêvînayîşî muracatê Serdozgerîya Komare ya Bûrsayî û Mudurîyê Zîndanê Îmraliyî kerd.

 

Avûkatan seba vînayîşê muwekîlê xo yê bîn ê Îmraliyî Omer Hayrî Konar, Hamîlî Yildirim û Veysî Aktaş zî eynî muracatî kerd.

 

Muracat hetê avûkatanê Buroyê Huqûqî yê Asrînî Razîye Ozturk, Rezan Sarica, Faîk Ozgur Erol û Mazlûm Dînç ra ame kerdiş.

 

Rayberê PKKyî Abdullah Ocalan serra 1999ine û nata bi komployêk mîyanneteweyî esîr ame girewtiş, Îmraliyî de tecrîdkerde yo.