ANQARA - Emîne Şenyaşar ke çalakîya xo ya vernîya Meclisî dewam kena, dîyar kerd ke heta Serekkomar Tayyîp Erdoganî reyde pêvînayîş bikero do çalakîya xo dewam bikera. 

 

14ê hezîrana serra 2018ine de pawitox û merdimê parlamenterê AKPyî yê verê Îbrahîm Halîl Yildizî qezaya Pirsûsî ya Rihayî de hêrişê dikanê keyeyê Emîne Şenyaşare kerd. Hêriş de mêrde û di lajê Emîne Şenyaşare ameyî qetilkerdiş û yew zî ame tepiştiş. Çalakîya Nobeta Edaletî ya Emîne Şenyaşar ke Meclis de daya destpêkerdiş roja 10ine de dewam kena. 

 

Emîne vat ke xeylêk problemê aye yê weşîye est ê û waştişê xo yê edaletî ancî kerd. 

 

Emîne bale ant qirkerdişî ser û vat ke pêwa ke emelîyat bîya zî çalakîya xo dewam kena. Emîne, waştişê xo yê pêvînayîşê serekkomarê AKPyî Tayyîp Erdogan reyde ancî kerd û da zanayîş ke heta pêvînayîşî yenê kerdiş zî do çalakîya xo dewam bikero.

 

 

Emîne, waşt ke lajê aye Fadil Şenyaşar bêro veradayîş û wina vat: “Zulm ma rê ame kerdiş. Tutê mi û mêrdeyê mi qetil kerdî. Lajêk mi hucreyî de yeno tepiştiş. Wa lajê mi vera bidê.” 

 

Serekwekîla Koma DEM Partîye Gulistan Kiliç Koçyîgît ameye serdayîşê Emîne Şenyaşare.