AMED - Keyeyê Rojnamegere Gulîstan Tara ke hêrişê 23yê Tebaxe de ameye qetilkerdiş, serdayîşê MKGyî û xebatkarê Çapemenîya Azade kerd. 

 

Keyeyê Rojnamegere Gulîstan Tara ya ke hêrişê 23ê Tebaxe ya bajarê Silêmanî yê Başûrê Kurdistanî hetê dewleta tirkan ra ameye qetilkerdiş, şî serdayîşê Komeleya Rojnamegerê Cinîyanê Mezopotamyaye (MKG). Endamê Komeleya Rojnamegerê Dîcle Firatî (DFG), xebatkarê çapemenîya azad, aktîvîstê Têgêrayîşê Cinîyanê Azadan (TJA), endamê DÎSKî Basin-Îş, temsîlkarê Partîya Têduştî û Demokrasî (DEM Partî) ê Elihî û keyeyê Gulîstan Tara serdayîş de amade bîyî. 

 

Dîcle Tekîk a ke serdayîşî de qisey kerd, dîyar kerd ke qelema Gulîstane do erd de nêmano û têkoşînê bi rûmetî yê Gulîstane dewam bikero. Dîcle sipasîyê xebatkarê Çapemenîya Azade kerd ke înan bi tenê nêverdayê. 

 

Sereka MKGyî Roza Metîna qisey kerd û vat: "MGK seba pawitişê mîrasê rojnamegeranê cinîyan ame awankerdiş. Ne kamera û ne zî qelema şehîdê çapemenîye do tu wext erd de nêmanê. Ma sey rojnamegerê cinî mîrasê înan dewam bikerê. Ma do hemverê hêrişan de têkoşîn bikerê. Hemverê hêrişê Gulîstan Tara û Hêro Bahadîn de ma do helwestê xo eşkera bikerê. Ma do tu wext nê helwestê xo vînî nêkerê. Rol, mîsyonê rojnamegerê çapemenîya azade û cinîyan zaf muhîm o. Ma do tu wext sereyê xo nêtewênê.”