WAN - Endama Meclîsê Şaredarîye Evîn Karahan derheqê projeyê newe yê şaredarîya Bajarê Pîlî ya Wanî de vat: “Amancê esas ê projeyê ma, cinîyê ke lazimîyê înan est ê, wexto ke biwazê xo biresnê  pedê hîjyenîk.”

 

Endama Meclîsê Şaredarîya Bajarê Pîlî ya Wanî Evîn Karahan derheqê projeyî de qisey kerd.

 

Derheqê cinîyan de proje

 

Evîne dîyar kerd dimayê 8 serrî şaredarî qeyûmî ra girewtê û vat: “Îdarekarîyê qeyûmî wareyê cuya cinîyan texrîb kerdibî. Qeyûman ewil merkezê cuye yê cinîyan pada. Seba nê zî ma Şaredarîya Bajarê Pîlî ya Wanî de ewil îmza eşt xebate û projeyê cinîyan. Projeyê ma yê ewilî berardişê pedê hîjyenîk û bincilkane bî. Nê berardişî se ra se peme û lîfê xozayî pê bêrê do teşwîqê paştdayîşê weşîya cinîyan û ekononîya herêmî bikerê.”

 

‘Amanc oyo ke cinî xo biresnê pedanê hîjyenîkan’

 

Evîne wina dewam kerd: “Cinî wexto ke biwazê, eşkenê xo biresnê hacetê hîjyenîk. Nê semedî ra amancê projeyê ma oyo ke cinîyê ke demê lazimî  de xo biresnê pedanê hîjyenîkan. Ma xeylêk nêzanê pedê ke ma şuxilnenê senîn yenê amadekerdiş. Ma nêzanê çi made ci de yê. Nê semedî ra ma sey şaredarî do berardişê peme û lîfê xozayî yenê viraştiş berarde weçînê. Do cinî bieşkê xo biresnê berardişan. No projeyêk zaf weş o. Projeyêk ke paştdayîş dano weşîya ma.”