MERKEZÊ XEBERAN - Bajarê Reştî yê Îranî de hemverê akademîsyene û muzîkjena Îranî ya Unîversîteya Tehranî Yasmîn Rahmetî hêrişêk çekdarî ame kerdiş. Netîce de Yasmîn Rahmetî û waşteyê aye ame kiştiş.

 

Dezgehê çapemenîye yê Îranî neql kerdî ke akademîsyene û muzîkjena namdare û mamosteya santûrî ya Unîversîteya Tehranî Yasmîn Rahmetî û waşteyê aye, vernîya keyeyê aye yê bajarê Reştî yê Vakurê Îranî de, hêrişêk çekdarî de ameyê kiştiş.

 

Yasmîn Rahmetî muzîkjenêke namdare bî. Serra 1986ine bajarê Arakî yê Îranî de dayîke ra bîya.

 

Yasmîne xeylêk albumê muzîkî vetê. Sewbîna berhemêk xo dîyarî Kiyan Pîrfelek kerd ke serewedaritişê Rojhelatê Kurdistanî û Îranî yê bi sloganê "Jin, jiyan, azadî" de ameye kiştiş.