Gulistan Gulmuş

 

ŞIRNEX - Ciwanê ke şinê Merkezê Ziwan, Kultur û Hunerî yê Eyşe Şane, perwerdeyê ensturmanan gênê û hewl danê ke kultur, huner û ziwanê xo bidê ciwîyayîş. Ciwanan venga pêro ciwananê kurdan kerd ke wayîrê sazgehê xo vejîyê.

 

Wendekarê ke şinê merkez û estrumanan musenê JINNEWSî rê qisey kerdî.

 

Xeyala ci pirodayîşê sazî yo

 

Remzîye Yîgît ke şina merkez û perwerdeyî vînena wina vat: “Emrê qijî ra xeyalê mi pirodayîşê sazî bi. Ez wazena xo kulturê kurdî ser o aver berî. Wazena ke ziwanê mi bêro naskerdiş. Nê semedî ra ameyî merkezê kulturê Eyşe Şane. Wa şarê ma bêro tîya. Wa tarîx û ziwanê xo bizanê. Wa muzîkê kurdî berê ameyox. Ez dana saz, erbane û gîtarî ro. Nika tewr zêde sazî ser o vindena. Wazena nê hetî ra xo aver berî.”

 

‘No sazgeh seba ciwanan zaf muhîm o’

 

Wendekar Zinar Şeveş zî wina vat: “Ziwanê kurdkî binê tedayan de yo. Ma eşkenê xo bi ziwanê xo îfade bikerê. Coka ma tîya tercîh kerd. Ez hewte ra di rey yena tîya. Di rojî seba mi qîm nêkeno la ez xeylêk çîyan musena. Ez xeylêk aver şîya. No sazgeh seba ciwanan zaf muhîm o. Coka ma ganî ziwanê xo bipawê. Ma şêrê sazgehê xo û ziwanê xo bipawê. Ganî ma ciwanî destûr nêdê hêrişê ziwanê xo ser.”

 

‘Ganî ma ziwanê xo bipawê’

 

Bîşeng Toka zî wina qal kerd: “Ma tîya ziwanê xo bi rehetî bikar şuxilnenê. Ez venga pêro ciwanan kena wa wayîrê sazgehan vejîyê. Ma embazanê xo reyde wext weş derbaz kenê. Ez saz ra hes kena. Ez ameya tîya. Îmkan dayî mi. No seba ma ciwanan zaf baş bî. Saz enstrumanêk cîya yo. Xeylêk rey ma çîyê ke nêeşkenê îfade bikerê, ma bi saz îfade kenê. Ziwan bîyayîşê ma yo. Ganî ma bîyayîşê xo bipawê.”