MÊRDÎN - Sînemaya akerde, hetê Şaredarîya Bajarê Girdî ra Şewa Hîkayeyan ê Muzîkalî ameye organîzekerdiş. Xeylêk kesî eleqeyêk pîl şewe rê mojnayî.

 

Hetê Şaredarîya Bajarê Girdî ya Mêrdînî ra sînemaya akerde 'Şewa Hîkayeyan ê Muzîkalî' ameye organîzekerdiş. Şewa ke xeylêk kesî ci de amade bî de hîkayevatox Ayhan Erkmen hîkayeyê "Derwêşê Evdî", "Siyo Helîmcan", "Bextê Emerê Hiso", "Hesenê Mala Musa Hedikê Kaso" qal kerd. Dimayê qalkerdişê hîkayeyan, Dengbeje Hediye Kalkan û Kerîme Jirkî zî deyîran vatî.

 

'Dengbêjî bingeyê kulturê kurdî yo'

 

Hemşaredara Bajarê Girdî ya Mêrdînî Devrîm Demîr ke dimayê klaman tîya qiseykerdişêk kilm kerd, bale ant serê muhîmîyê kultur û hîkayeyan seba kulturê kurdî û vat: “Dengbêjî bingeyê kultur, huner û edebîyatê kurdkî yo. Tarîx ra resneno heta roja ma ya ewro. Ez dengbêjanê ma yê kr tarîx ra heta roja ma ya ewro bîyê temsîlkarê nê adetî, bi minetdarî yad kena û hunermendanê ma yê ke nê kulturê qedîmî gane verdenê, sipasîyê xo pêşkêş kena.”