WAN- Dayîka Aştîye Ferîde Ozlu ke derheqê tecrîdê Rayberê PKKyî Abdullah Ocalan ser de dewam keno de wina vat: “Mifteyê aştîye destê birêz Abdullah Ocalanî de yo. Ma zî seba azadîya ey çi destê ma ra bêro ma do bikerê. Key tecrîd peynî bî do aştîye bêro nê welatî. No welat de her çîyo weş do bi azadîya Abdullah Ocalanî pê bêro.”

 

Endamê Meclîsê Dayîkê Aştîye derheqê tecrîdî de qisey kerdî.

 

 ‘Çira Rayberê Şarê Kurdî tepişte yo?’

 

Dayîka Aştîye Perîşan Aslan tecrîdê serê Rayberê PKKyî Abdullah Ocalanî şermezar kerd û vat: “Rayberê pêro şaran est o. Çira ê şarê kurdî tepişte yo? Xêrcê ma kurdan, rayberê kam ci şarî tepişte yo? Ma do nê senî qebûl bikerê? No tecrîd zulm o, xirabî yo. Ma şermezar kenê. Ma vanê êdî bes o. Wa aştî bêro. Wa Abdullah Ocalan bêro veradayîş.”

 

‘Sebebê tecrîdî çi yo’

 

Dayîka Aştîye Asya Ozlu zî zulmê şarê kurdî ser o şermezar kerd û wina vat: “Ganî tecrîdê Abdullah Ocalanî ser o peynî bibo û şarê kurdî azad bibo. Bi serran o Birêz Ocalan nêeşkeno keye û avûkatanê xo dir pêvînayîş bikero. Sebebê nê çi yo? No çîyêk baş nîyo. Bi tu hawayî pêvînayîş nîno kerdiş. Ganî no tecrîd peynî bo. Ez hemkarîya PDKyî yê Tirkîya dir şermezar kena. Wa Barzanî nêvajo ez kurd a.”

 

‘Aştîye destê Birêz Abdullah Ocalanî de ya’

 

Dayîka Aştîye Ferîde Ozlu zî tecrîd şermezar kerd û wina vat: “Barzanî wayê û birayanê xo kişeno. Qey no şerm nîyo? Uca herra Tirkîya nîya, uca herra Kurdistanî ya. Na herre bi gonîya ciwananê kurdan ameya girewtiş. Abdullah ocalan 25 serrî yo tepişte yo. Hîrê serrî yo tu agahî ci ra nîna girewtiş. Ne keye û ne zî avûkatî nêeşkenê pêvînayîş bikerê. Mifteyê aştîye destê Abdullah Ocalanî de yo. Key tecrîd peynî bibo do aştî bêro nê welatî. Çîyê weşî nê welatî de bi azadîya Abdullah Ocalanî mumkin ê.”