MERKEZÊ XEBERAN- Çalakîya Zurîhî de ameye organîzekerdiş de ameye dîyarkerdiş ke do rejîmo faşîst bi felsefeya “Jin jiyan azadî” bêrê berdiş û cinîyê tepişteyê ke bi nê sloganî xo ver danê, ameyî silamkerdiş.

 

Bi wesîleya 2yîn serrgêra qetilkerdişê Jîna Emînî ya ke paytextê Îranî yê Tehranî de hetê “polîsê exlaqî” ra ameye qetilkerdiş û bi amancê wayîrvejîyayîşê şorişê “Jin jiyan azadî” bajarê Zurîhî yê Swîsreyîd de çalakî ameye organîzekerdiş.

 

Çalakî binê varanêke zêde de pê ameye. Verfeka Têgêrayîşê Cinîyanê Kurdan ê Swîsreyî (YJK-S) Selma Surer û Hemsereka Konseya Kurdî ya Demokratîke ya Swîsreyî (CDK-S) Dîlan Çetînkaya yew bi yew qisey kerdî.

 

Verfeka YJK-S’ Selma Surer wina vat: “Sebebê qetilkerdişê Jîna Emînî, kurdbîyayîşê aye bî. Sey cinîyê kurdî, tedayê dewleta Îranî qebûl nêkerd û xo ver da, coka ameye qetilkerdiş. Hêzê tu kesî qîmê cinîyanê kurdan nêkeno. Ma do bi sloganê ‘Jin Jiyan Azadî’ xo ver bidê. Tenê Îran de nê, Rojawan û Başûrê Kurdistanî de zî cinîyê serkêşî yenê hedefgirewtiş. Ma her demî zêdeyêr bi hêrs ê. Ma do nê îqtîdaranê zaliman, bi têkoşînê xo têk berê. Ma do her tim wareyan de bê.”