MERKEZÊ XEBERAN -  Teyareyê bêmerdimî yê dewleta tirkan, hêrişê Wargehê Multecîyan ê Mexmûrî kerd. 

 

Hêrişê hemverê Wargehê Multecîyan ê Mexmûrî dewam keno. Goreyê xebera Rojnewsî; teyaregehê bêmerdimî yê dewleta tirkan hêrişê baxçeyê keyeyêk kerd.

 

Vernîya nika, neql bî ke wargehê Mexmûrî de tûpa keyeyêk teqîyaya, la badê heyetê Iraqî cayê qewimyayîşî de cigêrayîş da destpêkerdiş, vejîya werte ke teqîyayîş netîceya hêrişê teyareyêk bêmerdim de pê ameyo.

 

Goreyê agahî, derûdorê saete 10:00ine teyareyêk bêmerdim û bi çeke ya dewleta tirkan, baxçeyê welatija bi nameyê Melek Mijînî bombavaran kerd.

 

Demê nê hêrişî de zî heyetê Neteweyê Yewbîyaye û Iraqî mîyanê wargehî de bîyî û karê xo dewam kerdêne.

 

Ercê vatişî yo ke tewr peyîn dewleta tirkan a îşxalkere 10ê êlule de keyeyêk wargehî bombavaran kerdibi û netîceya hêrişî de 3 cinî birîndar bîbî.