MERKEZÊ XEBERAN - Paytextê Rûsya Moskowayî de tecrîdê girankerde yê Rayberê PKKyî Abdullah Ocalan ser o ame şermezarkerdiş.

 

Kurdistanijê ke Peytextê Rûsyayî Moskowa de ciwîyenê, bi eşkerayîyêke çapemenîye tecrîdê girankerde yê Rayberê PKKyî Abdullah Ocalanî ser o yeno kerdiş, şermezar kerdî.

 

Eşkerayîye hetê Rêxistina Cinîyê Kurdî “Viyan” ra awanîya Keyeyê Kurdan ê bajarê Moskowayî ame dayîş.

 

Serekê Rêxistina Cinîyê Kurdî "Viyan" ê Rûsyayî, Tara Qadir qisey kerd û bale ant serê tecrîdê girankerde yê Abdullah Ocalanî ser o yeno kerdiş û tecrîd şermezar kerd û vat: “Ma vînenê ke do senî fikr û fehmê Rayber Apo pêro dinya de vila bîyo û pêro şarê dinya wayîr vejîyenê, la ruxmê nê zî tecrîd Rêber Apo ser o her ke şino giranêr beno.”

 

Sewbîna Tara qiseykerdişê xo de venga şarê kurdî kerd û vat: “Nê hêrişê şarê kurdî ser û Rayber Apo ser o yeno kerdiş, tu cayê dinya de nêbîyo. Seba nê zî ganî ma têkoşîn bikerê, tena bi tekoşîn û fikrê Rayber Apo ma eşkenê serkewte bibê.”