ÎZMÎR - Sereştişê keyeyan ke merkezê ci Îzmîr bî, Akademîsyenê Aştîye Dr. Mehmet Zencîr zî mîyan de 19 kesî ameyî destbendkerdiş. 

 

Çarçewaya cipersayîşê hetê Serdozgerîya Komare ya Îzmîrî ra ameto destpêkerdiş no serê sibayî Îzmîr, Antalya, Kocaelî û Konya de 19 welatijî ameyî destbendkerdiş. Îzmîr de Akademîsyene Aştîye Dr. Mehmet Zencîr, Dr. Vedîa Yeşîm Bayanoglû, Serhat Oznûr, Sevîm Bakir û Îbrahîm ameyî destbendkerdiş. 

 

Ame zanayîş ke Dr. Mehmet Zencîr seba derheqê qiseykerdişê xo yê konferansêk Amed de Dr. Vedîa Yeşîm Bayanoglû zî bi sûcdarîya “propaganda rêxistine kerda” ameye destbendkerdiş. Sebebê destbendkerdişî welatijo bîn nêame zanayîş. 

 

Destbendkerdeyan berdî Mudurîyê Polîsan ê Îzmîrî.