“Mîrasêk ke bedel dayo est o. Bifikrîyê cografyayêke cinî çin yenê hesibnayîş, cinî ewro tarîxê cinîyan nusenê.”

 

Reyhan Hacioglu

 

Tarîx, merdimayî û zanistî ke cinî çin hesibnayî û cuye seba ma hende zehmet derbaz bena. Semedo ke ma xo bivînê û xeylêk destkewtişê xo bigîrê têkoşînêk ame kerdiş û bêşik no têkoşîn hema zî dewam keno. 

 

Averşîyayîşê teknolojî dir malzemeyê neqlkerdişî  hêzêk pîl kerdê xo dest û no zî seba mojnayîşê cinî xeylêk muhîm o. Cinîyê Kurdistan û Tirkîya xebatan kenê, qiseykerdişê cinîyanê kurdan, ca girewtişê cinîyanê kurdan ê çapemenî de sey şoreşik o.

 

No mîras bi bedeldayîşê, bi keddayîşî est o. Bifikrîyê cografyayêke ke cinî çin ameyîne hesibnayîş, ewro cinî; CINÎ TARÎXÊ CINÎYAN NUSENA!

 

Nê ra weşikêr çîyêk bîn çin o. Seba mi no replîkê tewr weş ê nê fîlmî yo. Seba nê zî mîraso ke ameyo verdayîş xeylêk muhîm o. Di hewte badê cû şexsê Gurbetellî Ersoze de do Roja Rojnamegeranê Cinîyan ê Kurdan bêro pîrozkerdiş. 

 

No het ra ez Rojbîyayîşê JINNEWSî bi erj vînena. Başo ke cinî est ê. Başo ke weşanê cinîyan yê ke vengê cinîyan danê eşnawitiş est ê.

 

Rayîrê şima akerde bo, mûxabîrîya şima dayîmî bo birêz ekîba JINNEWSî!