WAN - Xebatkara kovara jîneolojî Elîf Îpek bale ant serê heqîqetê cinî û var: “Tarîx ra heta nika heqîqetê cinî ame çinkerdiş û rastîyêk ke ameyo çinkerdiş est o. Ganî na herre cinîyan ser o bêro eştiş. Têkoşînê hemvar êdî hetê cinîyan de yewin rayîrê çareserî yo.”

 

Kovara jîneolojî ke 10 serrî ya çarçewaya azadî û zanistê cinî de têkoşînê xo dewam kena, her wareyî de dest dana cinîyan û bîyê sîwaneyê hempar ê cinîyan. Jîneolojî ke perspektîf û îdeolojî cîya rê zî serkêşî kena, Rojhelatê mîyanên ra heta Ewropa bi felsefeya "jin jiyan azadî"  têkoşînê xo dewam kena.

 

Xebatkara kovara jîneolojî Elîf Îpek derheqê têkoşînê hempar ê cinîyan de ercnayîş kerd.

 

‘Ganî na herra merde cinîyan ser o bêro eştiş’

 

Elîfe dîyar kerd jîneolojî hetê cinîyanê kurdan de wayîrê vîyarteyêk kan a û wina vat: “Tarîx ra heta nika heqîqetê cinî ame çinkerdiş, rastîyêk ke ameyo çinkerdiş est o. Ganî na herre cinîyan ser o bêro eştiş. Têkoşînê hempar êdî hetê cinîyan de yewin rayîrê çareserî yo. Jîneolojî wareyêk cigêrayîşêk ê muhîmî ya.”

 

‘Yewin çareserî têkoşînê hempar o’

 

Elîfe dewam de wina vat: “Têkoşîn her tim dewam kerdo. Têkoşînê hemparî ser o munaqeşeyê cidî yenê kerdiş. Semedo ke cinîyê dinya ewro seba averşîyayîşê tekonolojî her çî ra lezkî agahdar benê û wareyê rêxistinî vînenê. Nê semedî ra zî têkoşîn ra tecrubeyê muhîmî bidest kerdî. Yewin çareserî hemverê sîstemê serdestî yê camêrdan têkoşînê hempar o.”

 

‘Têkoşînê hempar ê felsefeya jin jiyan azadî muhîm o’

 

Elîfe tewr peyîn wina vat: “Cinîyan seranserê tarîxî de nê bi tecrubeyê cîya vet werte. Ewro sewîyeya global de paştdayîşêk cinî, yewîya cinî babeta vatişî ya. Hîn projeyê nê hedef kenê rojeve de yê. Yew nînan ra zî konfederalîzmê cinîyan o. Cinî sîstemê konfederalî de xo rêxistin kenê û ma eynî fikrî de yê ke têkoşînê hempar ê felsefeya jin jiyan azadî do paştdayîşêk pîl bido yewbîyayîş rê.”