MERKEZÊ XEBERAN - Tepişteya sîyasî ya kurde Zeynep Celaliyan ke 17 serrî yo Îran de tepişte ya, pêvînayîşê keyeyê aye dir ame qedexekerdiş.

 

Tepişteya sîyasî ya kurde Zeynep Celaliyan ke 17 serrî yo Îran de tepişte ya û cezaya zîndanî aye rê heta bi heta ameyo birnayîş, bi fermanê Wezaretê Enformasyonî heqê aye yê ke keye serdayîşê aye bikero ame redkerdiş. Zeynep Celaliyan ke vernîya 4 serran zîndanê Yezdê de ameye bicakerdiş, tena reyke eşka keyeyê xo bivîno.

 

Goreyê Torra Heqê Merdiman ê Kurdistanî, Zeynep Celaliyan destpêkê hewteyî de seba vînayîşê keyeyê xo waştiş kerd, labelê selahîyetdarê zîndanî neql kerd ke bi fermanê Wezaretê Enformasyonî serdayîş ameyo qedexekerdiş. Keyeyê Celaliyan ke seba vînayîşê kênaya xo şi Makû yê Yezdî bêserdayîş ancî agêrayî.

 

Zeynep Celaliyan ke hewteyê derbazbîyayîşî de wedarnayî nêweşxane, pêwa îtirazan zî dermankerdişê bi kelepçeyan ci rê ame ferzkerdiş, seba ke hemverê nê de vejîya, nêameye dermankerdiş.