MERKEZÊ XEBERAN - Bajaranê Viyana, Graz û Lînzî yê Avûstûryayî de berardişê Rayberê PKKyî Abdullah Ocalanî ameyî wendiş.

 

Têgêrayîşê Cinîyê Kurdî yê Avûstûryayî bi sloganê 'Sîstemê qirkerdiş, tecrîd û îşkenceyî yê Rayberê Şarê Kurdî Abdullah Ocalanî rê nê, azadî Rayber Apo rê, çareserî meselaya kurdî rê' bajarê Viyana, Graz û Lînzî yê Merkezê Cimeatê Kurdî yê Demokratîke bi babeta 'Raybertî' çalakîyê wendişî organîze kerd.

 

Bajarê Lînzî de beşê berardişê 'Sîyasetê Serdemê Şaristanîya Demokratîk-Siyasetê Demokratîk', Viyanayî de not û mektûbê Rayberê PKKyî Abdullah Ocalanî yê serê felsefeya 'Jin, Jiyan, Azadî' ameyî wendiş.

 

Bajarê Grazî de zî nuşteyê Rayberê PKKyî Abdullah Ocalanî yê serê awankerdişê wareyê azadîye, sîstemê xopawitişî yê cinî nuşteyî ameyî nuştiş.

 

Çalakîyê herêmê cîya bi qasê di saetan dewam kerd û şarî eleqeyêk pîl mojna ra.