WAN - Aktîvîsta TJAyî Rojbîn Bor, bale ant serê polîtîkaya şerê taybetî ke Kurdistan de yena kerdiş û wina vat: “Kurdistan de polîtîkaya şerê taybetî hemverê bedenê cinîyan de yena kerdiş.”

 

Cinî û ciwanî benê hedefê polîtîkaya şerê taybetî yê hukmatî ke Kurdistan de roj bi roje şîdetê xo zêde keno. Polîtîkaya şerê taybetî yê nê serrê peyînan de bi taybetî cinîyan ser o yena kerdiş û tutan kenê mîyanê tîryakî û fuhûşî. şuxilnayîşê tiryakî emrê qijî ra sey metodêk şerê taybetî vejîyeno vernî. Ancî bi nê polîtîkayan merdişê cinîyan ê bi şik û sewbîna qetilkerdişê cinîyan zêde beno.

 

Aktîvîsta Têgêrayîşê Cinîyanê Azadan (TJA) Rojbîn Bor, derheqê babete de ajansê ma rê qisey kerd. 

 

‘Hemverê cinîya kurde de polîtîkaya taybetî’

 

Rojbîne, dîyar kerd bi taybetî Kurdistan de dimayê serra 2015ine polîtîkayê fihûş, tîryakî û ajanî tewr zêde ameyî pratîzekerdiş û wina vat: "Ma nêeşkenê babete sey kesî goreyê îradeyê xo cuyêka wina tercîh kenê biercnê. Şexsî de trajedîyêk pîl yeno ciwîyayîş. Hemverê cinîyanê kurdan de polîtîkayêke taybetî, manîpulasyon, xapênayîş, tedayê psîkolojî, fihûş, tiryakî û ajanî aver benê.”

 

‘Ferzkerdişê ajanî û fuhuşî’

 

Rojbîne, dîyar kerd ke polîtîkaya şerê taybetî bedenê cinîyan ser o tehekûm kena û wina vat: "Bi caardişê tîryakî nêzdî benê û dima ra musnenê. Wexto ke musenê êdî nêeşkenê fek ci ra vera bidê û cuye de û weşîye de zî êdî krîz dest pêkeno. Badê cû her çî qebûl kenê. Mîyanê nê çîyan de zî ferzkerdişê fuhûşî û ajanî est o. Ci ra vanê heval, merdim, dostê xo yê mîyanê partîyê sîyasî de şuxilênê înan ra agahîyan bîyarê."

 

‘Ganî ma babete bigîrê xo dest’

 

Rojbîne qisey kerdişê xo wina qedêna: "Ganî ma babetê bîyaye yew reyî de bigîrê xo dest û biercnê. Cinîyê kurdî her tim vanê ma mîyanê îşxalkerdişî de yê, ma nêeşkenê kedwerdoxan dir bibê têduşt û nêeşkenê bingehê merdimayî de têkilî ronê.”