COLEMÊRG - Komê VEDAŞî û polîsan qezaya Geverî de binê nameyê “kontrolkerdişê ceyranê qaçaxî” de eşt serê taxe. Welatijan zî reaksîyon mojnayî. 

 

Şîrketê Anonîmî yê Vilakerdişê Ceyranî yê Vangoluyî (VEDAŞ) saetê rewî yê serê sibayî de Taxa Ormanî ya qezaya Geverî ya Colemêrgî de dest bi “kontrolkerdişê ceyranê qaçaxî” kerd. Polîsan zî bi wesayîtê zirxî ameyî taxe. 

 

Roniştoxê taxe zî reaksîyon vera rewşe mojnayî. Dimayê reaksîyonê welatijan, polîsan gule hewa rê rijnayî. Sewbîna polîsan bombayê gazî û fîşekê plastîkî şuxilnayî. Ciwanê taxe zî bi kerra û fîşekê hewayî cewab dayî polîsan. 

 

Ablûqayê polîsan ê taxe ser o dewam keno.