MERKEZÊ XEBERAN - Rayîrşîyayîşê girseyî yê Reqayî seba şermezarkerdişê Komployê Mîyanneteweyî yê hemverê Rayberê PKKyî Abdullah Ocalanî dest pêkerd. Pêwa roniştoxê bajarî bi hezaran roniştoxê kantonê Dêrazor û Tebqayî tewr bîyê.

 

Bi hezaran roniştoxê kantonê Reqa, Tebqa û Dêrazorî seba şermezarkerdişê Komployê Mîyanneteweyî yê hemverê Rayberê PKKyî Abdullah Ocalanî rayîr ra şinê.

 

Girseyî fotografê Abdullah Ocalanî, pankartê "Azadiya fîzîkî yê Rayber Abdullah Ocalanî rê, çinkerdişê îşxalkerdişê tirkî” wedarnayî. Gazîyê şer û cinî serkêşîya rayîrşîyayîşî kenê ke wareyê Merkezê Perwerdeyî yê bajarî dest pêkerd û do heta çerxerayîrê El Neîm dewam bikero û Stadê Beledî vindero.

 

Girseyî sloganê "Tecrîdê Rayberî ser o rê nê", "Seba Serekî azadîya fîzîkî", "Bê Serek cuye nêbena" û "Bimiro dewleta tirkan a faşîste" berz kerdî.

 

Vernîya ke rayîrşîyayîş dest pêbikero, dikandarê bajarî seba ke tewrê rayîrşîyayîşî bibê, dikanê xo pada bî.