ANQARA - Parlamentera DEM Partîye Newroz Uysal Aslan derheqê agahînêgirewtişî Îmraliyî muracatê Komîsyonê Cigêrayîşî yê Heqê Merdiman ê Meclisî kerd û waşt ke komîsyon bikewo mîyanê hewldayîşê peynîardişê mevzuatê hemverê huqûqî. 

 

Parlamentera Partîya Têduştî û Demokrasî (DEM Partî) ê Şirnexî Newroz Uysal Aslan derheqê rewşa Rayberê PKKyî Abdullah Ocalanî, Veysî Aktaş, Omer Hayrî Konar û Hamîlî Yildirimî yê Girawa Îmraliyî de tepişte yê û 43 aşmî yo agahî înan ra nîna girewtiş, muracatê Komîsyonê Cigêrayîşî yê Heqê Merdiman ê Meclisî (ÎHÎK) kerd.

 

Newroze wina vat: “Roja peyîn yê girewtişê agahîya birêz Ocalan ke o sey muxatab û hêzê çareserî ya problemê kurdî ke bênîqaş o 25ê Adara 2021yî bî. Pêvînayîşê tewr peyîn birayê Abdullah Ocalanî, Mehmet Ocalan bi rayîrê telefonî kerdibî û dimayê çend deqîqeyan amebî birnayîş. Qiseykerdişê peyîn yê Abdullah Ocalanî avûkatanê xo dir 7ê Tebaxa 2019ine de bî û a roja ra nata ra 8 serrî yo avûkatanê xo dir pêvînayîş nêkerdo. 27ê Temmuze 2011ine heta 2yê Gulana 2019ine qedexeyê pêvînayîşê avûkatan dir ame neqlkerdiş ke serra 2019ine de 5 rey avûkatanê xo dir pêvînayîş kerd, dimayê pêvînayîşê peyîn yê 7ê Tebaxa 2019ine reyke bîn bêmabên ame qedexekerdiş. Pêro muracatî hetê îdarekarîya zîndanî ra sey sebeb cezayê disiplînî yê ancî ameyî dayîş û bênetîce mend. Na rewşa ke bêhuqûqî ya îstîsna ya, dewam kena.”