MERKEZÊ XEBERAN - TJK-Fyî bi wesîleya komployê 9ê Teşrîna Verêne eşkerayîyêke da û vat: "Seba azadîya Rayber Apo ma venga her kesî kenê ke tewrê çalakîyê ke do 12-13ê teşrîn verêne bêrê kerdiş, bibê."

 

Têgêrayîşê Cinîyanê Kurdan ê Fransayî (TJK-F) bi wesîleya Komployê 9ê Teşrîna Verêne eşkerayîyêke nuşteyî da û derheqê plansazgehê çalakîyan de agahî da.

 

TJK-Fyî eşkerayîya xo de dîyar kerd ke felsefeya Rayberê PKKyî Abdullah Ocalanî rayîrê cinîyan roşn keno û da zanayîş ke ganî sîstemê îşkenceyê Îmraliyî bêro şikinayîş. 

 

Dewamê eşkerayîye de no zî ame vatiş: "Ma sozê xo ancî kenê ke heta tecrîdo girankerde yê Rayber Apoyî ser o bêro şikinayîş û azadîya ey ya fîzîkî bêro caardiş, ma do têkoşînê xo pîlêr bikerê. Rayber Apo têkoşînê azadîya cinîya kurde de rayîrê cuya azade û têduştî mojnayo ma.

 

Ma venga pêro cinîyan, şarê xo, dostanê xo û derûdorê demokratîke kenê ke tewrê çalakîyê ke do 12-13ê teşrîna verêne bêrê kerdiş, bibê.”