MERKEZÊ XEBERAN - Dadgeha rejîmê Îranî 3 aşmî ceza, mamosteya ziwanê kurdkî Sewsen Hesen Zadeî rê birna. 

 

Goreyê medya Rojhelatê Kurdistanî, 10ê teşrîna verêne de şubeyê Dadgeha Bokanî, 3 aşmî cezaya zîndanê mamosteya ziwanê kurdkî Sewsen Hesen Zadeî ya şarê Bokanî ra ya, birna.

 

Ame zanayîş ke ceza bi bahaneyê "Propagandayê hemverê dewlete" ameya dayîş. Ercê vatişî yo ke mamoste Sewsene 17 serrî yo Bokan û dewanê derûdora ci de mamosteyîya ziwanê kurdkî kena. Serranê vîyarte de xeylêk reyan seba çalakîyanê xo, hetê hêzê rejîmî ra kewta mîyanê cipersayîşî.