STENBOL - Amadekarîyê "Mîtîngê Azadîye" ke Amed de yeno organîzekerfdiş, peynî bî û coşê mîtîngî her çar hetê Stenbolî dorpêç kerd. Welatijî do mîyanê roje  de ver bi Amedî de bi girseyî bikewê rayîr. 

 

Siba saete 13.00ine de Amed de hetê Platformê Sazgehê Demokratîke (DEKUP) ra bi sloganê "Ma hemverê komployî de xo ver danê, semedê azadîye ma Amed de kom benê” Mîtînga Azadîye yeno organîzekerdiş. Bi rojan o Kurdistan û Tirkîya de kuçe bi kuçe û taxe bi taxe xebatî yenê kerdiş, vengdayîşê tewrbîyayîşê mîtîngî şarî rê yeno kerdiş.

 

Bajaro ke xebate ci de ameyîne kerdiş yew ci ra zî Stenbol o. Stenbolî peynîya xebatanê xo ard û do mîyanê roje de ver bi Amedî bikewê rayîr. Çarçewaya mîtîngî de serdayîşê esnafan ame kerdiş, vilawikî ameyî vilakerdiş û kombîyayîşî ameyî kerdiş. Xebatê ke peynî bî nika amadekarîyê raywanî yeno kerdiş. Do Stenbol ra nêzdîyê 20 wesayîtî ver bi Amedî bikewê rayîr. 

 

Do Esenyurt, Bagcilar, Sancaktepe, Sultanbeylî, Arnavutkoy, Beyoglu, Kartalî ra wesayîtî bikewê rayîr. Nika ra xeylêk welatîjî ver bi cayê raywanî yenê. Girse bi dowîzê "Veng bide azadîye" ameyî cayê xo û tîya govende kerdî.