MERKEZÊ XEBERAN - Ajansê Xeberan ê Çalakîkerê Heqê Merdiman ê Îranî (HERANA) neql kerd ke selahîyetdarê zîndanê Evîne ceza xeylêk tepişteyanê cinîyan rê birnayî. Ame vatiş ke mîyanê tepişteyan de Serunaz Ehmedî, Pexşan Ezîzî, Nêrgiz Mihemedî û Werîşe Mûradî zî est ê.

 

Ajansa Xeberan ê Çalakîkerê Heqê Merdiman ê Îranî (HERANA) xeberêke xo de neql kerd ke selahîyetdarê zîndanê Evîne, 22 cinîyê tepişte yê zîndanê Evîne, qedexeyê peywendî, vînayîşê keyeyî birnayê.

 

Ame vatiş ke her 22 tepişteyî, heqanê xo ra bêpar ameyî verdayîş û nêverdenê keyeyê xo bivînê. Goreyê xebere sebebê cezayan zî oyo; semedo ke cinîyê tepişteyî wextê ekonomî de waştişê şîyayîşê nêweşxaneyî û tedawî kerdibî û nêrazîbîyayîş mojnabî.

 

Goreyê eynî xebere mîyanê cinîyanê tepişteyan yê ceza înan rê ameya birnayîş de, Serunaz Ehmedî, Pexşan Ezîzî, Nêrgiz Mihemedî û Werîşe Mûradî zî est ê.