ANQARA - Derheqê Sereka TTByî ya verê Şebnem Korur Fîncanci de bi sebebê ke derheqê çekê kîmyewî de eşkerayî da û dewa amebî akerdiş. Dadgehe dewa açerna cezaya pereyî û 50 hezar lîra ceza Şebneme rê birnayî. 

 

Sereka Yewîya Tabîbanê Tirkan (TTB) Şebnem Korur Fîncanci serra 2022yîne de derheqê çekê kîmyewî yê ke artêşa tirkan şuxilnabî, eşkerayî dabî. Badê eşkerayî dewa Şebneme rê ameye akerdiş. Dewaya tazmînatê manevî yê derheqê Şebneme de amebî akerdiş, netîce bî. Qerarê dewa ame dayîş. Roniştişê dewa 2yîn Dadgeha Huqûqî yê Asliyeyê Anqarayî ame kerdiş û avûkatê hetan amade bî. 

 

Avûkata Şebneme, Merîç Eyuboglû bale ant serê detayê dewa û dîyar kerd rewşêke ke hukm tazmînatê manevî ser o bêro dayîş nîyo û waştişê redkerdişê dewa kerd. 

 

Dadgehe cezaya pereyî da Şebnem Fîncanci û 50 hezar lîra ceza birna.