Dîlan Babat

 

SÊRT -  Dewaya Z.Ç ke dewêke girêdayeyê Dihê qorîcî Îzzettîn Yardim desteştişê sîstetmatîk ci rê kerdibî, îstînaf de yena pawitiş. Şikdar hetê Yewine Dadgeha Cezaya Giran ya Sêrtî ra ame beratkerdiş û qerar bi sebebê ame eşkerakerdiş de dadgehe pêwa ke ame dîyarkerdiş tut/e Z.Ç Îzzetîn Yardimî ra yo/ya zî îdia kerd ke ‘delîlê qetî û baweriyê ke danê çin ê’ derheqê şikdarî de qerarê beratî da.

 

Dewa Yerlîçobanî ya qezaya Dihî ya Sêrtî de xezurê Z.Ç, Îzettîn Yardim ke qorîcî bî, 2003ine de desteştişê sîstematîk Z.Ç rê kerd. Desteştişo sîstematîk 15 serrî dest pê keno û bi mergî yena tehdîdkerdiş. Netîceya desteştişî de Z.Ç digane manena. Z.Ç ke mecbûr manena tuta xo bîyaro dinya, desteştiş û prosesê hukmî qal kerd.

 

Hetê Yewine Dadgeha Ceza ya Giranê Sêrtî ra sûcê ‘hêrişê cinsî’ dewa bêro akerdiş zî dewa bi yew roniştişî ameye vînayîş. Dewa de dozgerî derheqê şikdar Îzzettîn Yardim de ceza waşt û dadgehe zî qerarê beratî da.

 

Pêwa kêmî îdianame ame amadekerdiş

 

Dimayê roniştişê qerarî dewa ameye vînayîş, dozgerî qerarê bi sebeb de derheqê şikdar Îzzetîn de sûcê ‘îstîsmarî’ ra ceza waşt. Qerar de pêwa ke ame dîyarkerdiş ke ganî cipersayîş bêro hîrakerdiş zî waştişê derheqê qelsî de bêrê temamkerdiş yê Serdozgerîya Komare de ameyî çareserkerdiş û dimayê nê ke qerarê îtîrazê Dadgeha Ceza Sulhî verê çiman de bêro girewtiş, îdianame ame amadekerdiş. Qeraro ke ame dayîş de ame dîyarkerdiş ke îdianameyo ke ameyo amadekerdiş, hetê ci yê huqûqî çin o; seba nê sebeban dewayêke îstîmlakî yê goreyê usulî ameya awankerdiş çin a û şertê cipersayîşêk awan nêbîyo.

 

Mutala de ame vatiş ke tut/e Îzzetîn Yardimî yo/ya

 

Mutalayê derheqê esasî de, îfadeyê Z.Ç yê derheqê desteştişê sîstematîkî de ca girewtî û ame dîyarkerdiş ke Z.Ç netîceya desteştişê Îzzetîn Yardim de digane menda. Sewbîna ame vatiş ke ameyo tespîtkerdiş ke tut/e Îzzettîn Yardimî yo/ya.

 

Dadgeha ke îdianame û deseştişê sîstematîkî nêdî, dîyar kerd ke xêrcê îfadeyê Z.Ç îfadeyê ke desteştiş paştrast kenê çin ê û derheqê şikdarî de qerarê beratî da.

 

Avûkate Z.Ç dosya şirawit îstînaf û îtîrazê dosyaye kerd. Sewbîna Z.Ç zî muracatê Komeleya Heqê Merdiman (ÎHD) kerd û waştişê huqûqî kerd.