MÊRDÎN - Mizgîn Acar ke Zîndanê Tîpê Eyê Mêrdînî de ame îdîakerdiş ke întîhar kerda û beşê nêweşxaneyê ewnîyayîşê giranî de ameyîne dermankerdiş, dinyaya xo bedelnaye û bi sloganê, "Şehîd namirin" ameye definkerdiş.

 

Mizgîn Acar ke Zîndanê Tîpê Eyê Mêrdînî de ameyîne tepiştiş, ame îdîakerdiş ke 1ê teşrîna verêne de întîhar kerda, beşê ewnîyayîşê giranî yê nêweşxaneyî de roja 24ine ê dermankerdişê xo de dinyaya xo bedelnaye. Badê ke agahî dayî keyeyê Mizgîne, keye û merdimê aye şî nêweşxane. Badê kar û barê otopsî Nêweşxaneyê Perwerde û Cigêrayîşî yê Mêrdînî cenazeya Mizgîne morg ra ameye girewtiş û bi sloganê "Şehîd Namirin" kerdî wesayîtê cenaze. Cenaze pêwa îdarekarê Komeleya Kesê ke Merdimê Xo Dergûşê Şaristanî yê Mezopotamyaye Vînî Kerdê (MEBYA DER) , îdarekarê Partîya Têduştî û Demokrasî (DEM Partî) yê qeza ardî taxa Orta Çarşi ya Midyatî û Goristanê Kible.

 

Badê kar û barê dînî ke ame kerdiş, cenazeya Mizgîne milan ser o ardî cayê definkerdişî û bi girseyî cenaze defin kerdî.

 

Badê definkerdişî semedê şehîdê azadîye merasîm ame organîzekerdiş û badê zî girse derbazê Keyeyê Şînî yê taxa Ortaçarşiyî bî.