MERKEZÊ XEBERAN - Şarê bajarê Şêranî hêrişê dewleta tirkan şermezar kerd û vat: "Ganî vindertişê ma hemverê hêrişê îşxalkerdişî xurt bo."

 

Şarê bajarê Şêranî yê girêdayeyê Kantonê Firatî hemverê hêrişê dewleta tirkan eşkerayî merkezê bajarî de da. 

 

Eşkerayî hetê endama Koordînasyonê Kongra Starî ya bajarê Şêranî bi ziwanê kurdkî de ameye wendiş.

 

Talîvan Qadir dîyar kerd ke 2011ine heta roja ewro herişê dewleta tirkan Rojawanê Kurdistanî yê Vakurê Sûrîye ser o dewam o, tu wext nêwazenê statuyê Îdarekarîya Xoserî vejîyo werte û vat, dişminîyê dewleta tirkan, neteweyê kurdî dir semedê bîyayîşê xo çinbîyayîşê kurdan ser o dana ro.

 

Dewamê eşkerayîye de Talîvan Qadir vat, "Reyke bîn 23yê teşrîna verêne de teyareyê xo wedarnayî herêmanê Vakur û Rojhelatê Surîye ser, bi xususî zî Rojawanê Kurdistanî ser o. Binesazgehê komelî kerd hedef."

 

Talîvan Qadir venga rayapêroyî ya mîyanneteweyî kerd ke hemverê qirkerdişê ke ewro dewleta tirkan şarê kurdî rê kena, hemverê hêrişanê îşxalkerdişî de helwestê xo bimojno.